Şirketa Lêkolînê Metropol, encamên xebata anketan ya Tîrmehê eşkera kir. Li gor encamên xebatê tifaqên ‘Cumhur’ û ‘Mîllet’ hima hima wekî hev derketine. HDP’ê jî li gor encaman dengên xwe ji sedî 11’ê derbas kirine. Wisa diyare ku encamên hilbijartinê wê helwesata hilbijêrên HDP’ê dîyar bike.
Li gor nûçeya Bianet Kurdî, Şîrketa Lêkolînê ya Metropolê encamên xebata xwe ya Tirmehê eşkera kiriye.
Herdû tifaq nêzî hevin
Di çarçoveya encamên hatine diyarkirin de, “Ger vê yekşemê hilbijartin pêk werin’ wê AKP ji sedî 33,8; CHP ji sedî 24,9; IYI Parti ji sedî 14,5; HDP ji sedî 11,4; MHP ji sedî 6,0’ê dengan werbigirin.
Encamê wê HDP diyar bike
Li gorî van encamam, tifaqa “Cumhur” ku ji AKP û MHP’ê pêk tê, ji sedî 39,8 dengan bidest bixe. Her wiha tifaqa “Millet” ku ji CHP, IYI Parti, Demokrat Partî û Saadet Partisiyê pêk tê, ji sedî 39,4 dengan bidest dixe. Li aliyê din, HDP ji sedî 11,4’ê dengan bidest bixe.
Bi van encaman re, ji hilbijartinên herêmî yên 31’ê Adara 2019’an û vir ve dabeşkirina hêzê ya bingehîn nayê guhertin; Careke din tê dîtin ku îhtîmala guherîna radîkal a desthilatdariyê li ser vîna hilbijêrên HDPê dewam dike.
Serhat News
(lg)
