Hikûmeta Herêma Kurdistana Federal a Iraqê, êrîşa li dijî Navenda Çanda Kurd ya Parîsê bi zimanek tund şermezar kir û daxwaz ji Kurdên li diyasporayê kir ku aram bin.
Li paytext Parîs a Fransayê doh, kesekî 69 salî bi çek êrîşî Navenda Çanda Kurd a Ahmet Kaya û sertraşxaneyekê kir û di encamê de 3 Kurd hat kuştin û 3 kes birîndar bûn.
Hikûmeta Herêma Kurdistanê piştî êrîşê daxuyaniyek weşand û êrîş bi zimanekî tund şermezar û rûreş kir. Hikûmetê di daxuyaniyê de got, “Em sersaxiyê ji malbatên qurbaniyan re dixwazin û ji birîndaran re jî şifayê dixwazin.”
Banga arambûne hate kirin
Di daxuyaniyê de daxwaz ji Kurdên li diyasporayê dijîn jî hate kirin ku aram bin û wiha hate domandin, “Baweriya me ya temam bi saziyên Hikûmeta Fransa û pergala darazê heye ku tedbîrên pêwîst ji bo parastina Kurdên li Fransayê û cezakirina êrîşkar û tawankaran bigirin.”
Êrîşkar welatiyê Fransayê ye
Hat ragihandin ku êrîş ji aliyê Fransîyekî 69 salî ve hatiye kirin û hatiye desteserkirin.
Li gorî zanyariyên polîsan, êrîşkar welatiyê Fransayê ye û di Kompanya Rêhesinê ya Neteweyî ya Fransayê de wek şofêrê trênê malnîşîn bûye. Herwiha hat eşkekirin: “Ew li cihê bûyerê hat girtin û bi rayedaran re hevkariyê dike. Ew niha ji ber kuştin û tundûtûjiyê di bin lêpirsînê de ye.”
Serhat News
(lg)
