Li Şirnexê û navçeyên wê 11 herêm di bin navê “herêma taybet a ewlehiyê” de ji bo 15 rojan ji çûn û hatinê re hatin qedexekirin.
Walîtiya Şirnexê bi daxuyaniyekê ragihand ku 11 herêmên li navçeyên Cizîr, Silopî, Basa û Bêşebabê yên Şirnexê, bo 15 rojan ji çon hatina welatiyan re hatiye qedexekirin.
Walîtiyê daye zanîn ku ev hereme wekî “Herêma taybet ya ewlehiyê” hatiye ragihandin û qedexe ji 1’ê Çileya 2023’an heta 15’ê Çileya 2023’an wê berdewam bike.
Her wiha di daxuyaniyê de hatiye gotin ku nabe di wê demê de welatî ne bi roj û ne jî bi şev serdana wan deveran bikin.
Çiya û navçeyên ku li gor biryara walîtiyê hatine qedexekirin ev in:
“Çiyayê Cudî, Devera Besta, Çiyayê Gur, Kureşîn, Kela Memê, Feraşîn, Zêrîne, Newala Sar, Çiyayê Încebel, Devera Oymakkaya û Devera Tenînê.”
Hêjayî gotinê ye ku navçeyên hatine qedexekirin bi piranî ew cihin ku sewalkar 4 demsalan sewalên xwe lê diçêrînin. (Rûdaw)
Serhat News
(lg)
