Heyetek ku ji Parlamenterên Partiya SPD ya Almanyayê pêk dihat, çû serdana HDP’ê û bi rêveberên partiyê re hevdîtinek pêk anî.
Parlamenterên Partiya Sosyal Demokrat a Almanyayê (SPD) li navenda Giştî ya Partiya Demorkatîk a Gelan (HDP) bi rayedarên partiyê re hevdîtinek pêk anîn.
Parlamenterên SPD’ê ji aliyê Hevserokê Giştî yê HDP’ê Mithat Sancar ve hat pêşwazîkirin.
Hevseroka Komîsyona Têkiliyên Derve ya HDP’ê Feleknas Uca û Parlamentera Şirnexê Nuran Îmîr jî beşdarî civînê bûn.
HDP’ê, derbarê serdana heyeta SPD’ê û naveroka hevdîtina bi wan re daxuyaniyek belav kir.
Li gorî daxuyaniya HDP’ê, di hevdîtin de hilbijartinên pêşwext ên li Tirkiyê, dosyeya girtina HDP’ê û têkiliyên Tirkiye û Yekîtiya Ewropayê (YE) hatine gotûbêjkirin.
Di daxuyaniya HDP’ê de wiha hat gotin: “Hevserokê me Mithat Sancar, Hevseroka Komîsyona Têkiliyên Derve Feleknas Uca û wekîla me Nûran Îmîr bi parlamenterên Partiya Sosyal Demokratên Alman (SPD) re hevdîtin pêk anîn. Di hevdîtinê de li ser hilbijartinên pêşwext ên serokomariyê û giştî, dosyeya girtina partiya me û têkiliyên Tirkiye û YE’yê nêrîn hatin gotûbêjkirin.” (Rûdaw)
Serhat News
(lg)
