Wezîrê Tenduristiyê Fahrettîn Koca derbarê rewşa birîndarên erdhejên Mereşê de got, “15 hezar û 664 di serwêsê de, 3 hezar û 636 di beşa nexweşiya giran de; tevahî 19 hezar û 300 welatiyên me di nexweşxaneyan de tên dermankirin.”
Wezîrê Tenduristiyê yê Fahrettîn Koca li ser hesaba xwe ya Twîtterê der barê xebatên tenduristiyê yên li herêmên erdhejê de agahî da.
Fahrettîn Koca got ji bo ku derman û kelûpelên tibbî ji herêmên re bên şandin li Edene û Dîlokê du depoyên tibbî hatine avakirin.
Derbarê hejmara xebatkarên tenduristiyê de jî Koca wiha got: “Li tesîsên tenduristiyê 14 hezar û 611 xebatkarên UMKE û personelên rewşa bilez jî di nav de, jê 18 hezar û 97 doxtor, tevahî 145 hezar û 711 karmend dixebitin. 15 hezar û 664 di serwêsê de, 3 hezar û 636 di beşa nexweşiya giran de tevahî 19 hezar û 300 welatiyên me li nexweşxaneyan tên dermankirin. Beşeke nexweşan bi biryara doxtoran hatin şandin ku ji bo 8 hezar û 851 nexweşan neştergerî hat kirin.”
Koca got ji bo nexweşî û şewb belav nebe bi têra xwe derziya tetanos û harbûnê (Kuduz) hat şandin. (Rûdaw)
Serhat News
(lg)
