Cenazeyê dengbêjê Kurd Mihemedê Nenyasî (Mehmet Tanriverdi) ku li Amedê di bin kavilê avahiyekê de mabû, hat derxistin. Çend roj beriya niha jî cenazeyên hevjîn û 3 zarokên wî ji bin kavilên heman avahiyê hatibûn derxistin.
Di erdhejên Mereşê yên bi pileyên 7.7 û 7.6 de, avahiya Navenda Karsaziya Diyar Galeria ya li navçeya Yenîşehîra Amedê jî hilweşiyabû.
Dengbêj Mihemed Nenyasê yê 75 salî, çar meh beriya erdhejê li qata 6’an a Diyar Galeriyayê tevî malbata xwe bicih bûbû. Mala Dengbêj Mihemedê Nenyasî di erdheja 6’ê Sibatê ya Mereşê de hilweşiyabû.
Dengbêjê Mihemedê Nenyasî ligel hevjîna xwe Servet, keçên wan Nermîn û Ayfer û kurê wan Yunus Tanriverdî di bin kavilan de mabûn.
Roja Çarşemê jî cenazeyên hevjîn û 3 zarokên Dengbêj Mihemedê Nenyasi hatibûn derxistin.
Cenazeyê Mihemedê Nenyasi jî duh piştî 10 rojan ji bin xirbeyan hat derxistin. (Rûdaw)
Serhat News
(lg)
