Li Dîlokê 3 kes hatin kuştin

Li Dîlokê di navbera du koman de şer derket. Di encama şer de 3 kesan jiyana xwe ji dest da û 2 kes jî birîndar bûn.

Li Taxa Nûrtepe ya navçeya Şehîtkamîl a Dîlokê (Antep), navbera du komên ku dijminên hev bûn, şer derket. Di encama şerê ku çek jî hatine bikaranîn de welatiyên bi navê Îzzet Karakoç (40), Selman Çevîk (32) û Şahîn Erşan (23) jiyana xwe ji dest dan.

Herwiha du welatiyên ku navê wan nehatiye hinbûn jî di heman şerî de birîndar bûn.

Piştî agahdarkirinê ekîbên tenduristî û ewlehiyê hatin cihê bûyerê. Tevî mudaxaleya despêkê, birîndar ji nexweşxaneyeke taybet re hatin veguhestin.

Cenazeyê kesên hatine kuştin jî bo otopsiyî şandin morga Saziya Tiba Edlî.

Serhat News