Wezareta Enerjî û Çavkaniyên Xwezayî ya Tirkiyeyê ragihand ku xeta hinardekirina (îxracat) petrolê ya di navbera Îraq û Tirkiyeyê de ji bo her du welatan girîng e.
Wezîrê Enerjî û Çavkaniyên Xwezayî yê Tirkiyeyê Alparslan Bayraktar û Wezîrê Petrolê yê Îraqê Heyyan Ebdulxanî 22’yê Tebaxê hevdîtinek kiribû.
Wezareta Enerjî û Çavkaniyên Xwezayî ya Tirkiyeyê, li ser hesabê xwe yê medyaya civakî li ser vê hevdîtinê daxuyaniyek belav kir.
Daxuyanî wiha ye:
“Di hevdîtinê de di serî de xeta boriyê ya petrola xav, mijarên herêmî hatin gotûbêjkirin. Xeta boriyê ya petrolê ya di navbera Îraq û Tirkiyeyê de ji bo her du welatan girîng e.
Hat destnîşankirin ku divê pişkînîn, kontrol û xebatên çêkirinê yên ku piştî erdhejên 6ê Sibatê dest pê kirine di wextekî herî zû bên kirin û hinardeya petrolê dest pê bike.
Her du wezîran li ser pêşxistina sektorên petrol, gaz, gihandin û bihevgirêdana xetên elektrîkê û enerjiyê de gotûbêj kirin.
Her du wezîrên ku hevserokên Komîsyona Aboriyê ya Têkel a Tirkiye û Îraqê ne biryar da civîna 19an a komîsyonê di demeke nêzîk de li Bexdayê bê kirin.” (Rûdaw)
Serhat News
