Hezkiriyên pereşûta berpalê berê xwe dan Gola Masiyan û derdora wê ya li Agiriyê.
Gola Masiyan ya 30 kîlomêtro dûrî navçeya Taşliçayê ye û 2 hezar û 241 mêtro bilind e, zivistanê bi cemeda xwe û havînê jî bi xwezaya xwe balê dikişîne.
Endamên Kilûba Hewakariya Sportîf ya Wanê û pereşûtvanên berpalê (yamaç paraşütü) yên ji Agiriyê li herêma golê hatin cem hev.
Pereşûtvan li ber dîmenê Çiyayê Agiriyê pereşûta berpalê kirin û li asîman firîn.
Orhan Şanê pîlotê pereşûta berpalê û siruşthez diyar kir ku ji asîman derdora golê temaşe kirine û ev kelecaneke xweş e.
Orhan Şan destnîşan kir ku ji bo pereşûta berpalê hatine herêmê keşf bikin û got ji ber ku li derdorê çiyayên bilind hene û ji bo wesaîtan rê heye, ev der ji bo pereşûta berpalê xweş e.
Serokê Kilûba Hewakariya Sportîf ya Wanê Îlhan Gelgel jî anî ziman ku gol û derdora wê ji bo spora pereşûta berpalê baş e û got ku em ji Wanê bi ekîbeke ji 12 kesan pêk tê ji bo pereşûta berpalê hatine. (AA)
Serhat News
