Li bajarê Agiriyê ajokarên texsiyan jiber zêdebûna bûhayê sotemeniyê kontaxên xwe girtin û çalakî lidarxistin.
Ajokarên texsiyan yên li Agiriye ji ber zêdebûna nirxê benzînê ku bûye zêdeyî 28 TL û mazot jî bûye 27 TL, nerazîbûna xwe nîşan dan.
Texsîvanan bi wesayitên xwe di nav bajêr re geriyan û bi lêdana qorneyan bala welatiyan kişandin. Çalakiya ajokaran ji kolana navenda bajêr destpê kir û li pêşiya nexweşxaneya dewletê bi dawî bû. Ajokarên texsiyan di çalakiya xwe de li hinek cihan rê girtin û xwestin balê bikşînin ser zêdebûna nirxê sotemeniyê ku hatiye astekê êdî hindik maye karê wan raweste.
Sala borî di vê demê de nirxê lîtreya benzîn û dîzelê di navbera 7-8 lîreyan de bû lê niha nirxê yek lître benzîn bi 28 lîre û 42 quruş û yek lître dîzel bi 27 lîre û 84 quruş e, wate di nav salekê de nirxê benzînê bi rêjeya zêdeyî %280 û nirxê dîzelê jî bi rêjeya zêdeyî %230 bilind bûye.
Serhat News
(lg)
