Alîgirên Amedsporê ku hatibûn desteserkirin sewqî edliyeyê kirin

Alîgirên Amedsporê bi hinceta ku dema sirûda Îstîklalê hatiye xwendin ‘ranebûne ser piyan’ hatibûn desteserkirin ji edliyeyê re hatin sewqkirin.

Duh 12 alîgirên Amedsporê ji ber ku beriya destpêkirina maça Amedspor û Denîzlîsporê, dema ku sirûda Îstiklalê dihat xwendin û ranebûne ser piyan, hatin desteserkirin. Alîgirên ku biribûn Midûriyet Polîsan a Amedê, îro piştî nîvro sewqî edliyeyê hatin kirin. 12 kesên hatine desteserkirin, bi hinceta “Nîşaneyên serdestiya dewletê biçûkxistinê” bi daxwaza şertê kontrola edlî, sewqî Dadgeriya Cezayê Sûlhê a Nobedar hatin kirin. Karûbarên alîgiran hê jî berdewam dike. (MA)

Serhat News