Fermandariya Navendî ya Amerîkayê (CENTCOM) ragihand, wan Ebû Ebdulrehman El-Makî, serkirdeyekî bilind ê koma Huras El-Dîn Şûra ku berpirsê çavdêriya operasyonên terorîstî yên li Sûriyê bû, kuştiye.
Di daxuyaniya CENTCOMê de tê gotin, koma Huras El-Dîn hêzeke girêdayî Qaîdeyê ye ku li dijî berjewendiyên Amerîkayê û welatên rojava tev digere. Rêxistina Parasta Mafên Mirovan a Sûriyê jî berê ragihandibû, Ebû Ebdulrehman El-Makî, welatiyekî Erebistana Siûdiyê ye û di êrîşeke dronî de li gundekî başûrê Idlibê hatiye kuştin.
Nêzî 900 leşkerên Amerîkayê li Sûriyê hene û weke pareke Hevpeymaniya Navdewletî ya li dijî DAIŞê tev digere, di sala 2014an de ji bo alîkariya şerê grûpên çekdar ên ku navçeyên berfireh ên Iraq û Sûriyê kontrol kirine, hatine bicih kirin.
Serhat News
