Li gor encamên anketa dawî ya MetroPollê, ji sedî 52’yê dengderan ji Serokkomar Recep Tayyip Erdogan nerazî ne.
Şîrket Lêkolînê ya MetroPollê encamên anketa xwe ya bi navê “Nebza Tirkiyê-Kanûn” eşkere kir.
Anket li 28 bajaran di navbera 13-18’ê Kanûnê de bi beşdariya 2 hezar û 77 kesan hatiye pêkanîn.
Di anketê de ji dengderan pirsa, “Hûn ji karkirina Serokkomar Erdogan razîne an na?” hatiye pirsîn.
Ji sedî 45.2’ê dengderan gotine “belê” û ji sedî 52.1’ê wan jî wek “nexêr” bersiv dane. Herwiha ji sedî 2.7’ê beşdarvanan bersiva “Nerîna min nîne/bersiv nîne” dane.
Di nav dengderên AKP’ê de ji sedî 79.7’ê dengderan ji awayê karkirina Erdogan razî ne, lê di nav dengderên MHP’ê de ku şirîkê AKP’ê ye û bi hev re Tifaqa Cumhur pêk anîne, ji sedî 32.4’ê dengderan ji Erdogan nerazî ne. (Rûdaw)
Serhat News
(lg)
