Li bajarên heremê, gelek rêyên gundan ji ber berfê hatine girtin û pîleya germahiyê jî daketiye jêr.
Barîna berfê li bajarên Erzirom, Qers, Erdexan û Colemêrgê tesîrek nebaş li ser jiyana rojane ya walatiyan dike.
Li bajarên Qers û Erdexanê şevê din heta sibehê berf bariya û her cih ji berfê spî bûye. Herwiha li Erziromê jî piştî berfeke zêde, pileyên germahiyê daketin û rêyan cemed girt.
Serê sibê, li Qersê berfê dîsan destpê kir. Li deverên bajêr yên bilind berfeke zêde bariya û ji ber mij û moranê ajokaran demên zehmet derbas kirin. Li Erdexanê jî her cihî cemed girtiye û pileyên germê daketine jêr.
Li Colemêrgê jî ji ber barîna berfê, rêya gelek gund û mezrayan hat girtin. Li hinek cihan bilindiya berfê gihişte çar metreyan. Li deverên ku rê hatine girtin, ekîban bo vekirina rêyan dest bi kar û xebatan kiriye. (Rûdaw)
Serhat News
(lg)
