Baroya Şirnexê li hemberî ‘Qanûna Dezenformasyonê’ nerazîbûna xwe nîşan da û daxwaz kir ku hiqûmet ji vê qeletiyê vegere.
Baroya Şirnexê bi daxuyaniyeke nivîskî bertek nîşanî qebûlkirina ‘Qanûna Dezenformasyonê’ ku di çemaweriyê de wekî ‘Qanûna sansurê’ tê pênasekirin, da.
Di daxuyaniya xwe de baroyê destnîşan kir ku ger ev qanûn bê pêkanîn wê azadiya ramanê li Tirkiyeyê bi temamî ji holê rabe û wiha hat berdewamkirin: “Em bi fikar in ku bi qebûlkirina qanûnê re ‘sûcdarên fikrî’ û binpêkirina mafê azadiya ramanê zêdetir bibin. Ji ber vê sedemê em weke Baroya Şirnexê di wê baweriyê de ne ku ji bo aştiya raya giştî neyê xerakirin divê ji vê xeletiyê vegerin. Heger weke ku Alfanso Reyes gotiye; ‘Mirov nikare stranên azadiyê bi diranên çîçandî bibêje’.”
Pêşnûmeya ku di raya giştî de wekî “Qanûna Sansurê” tê binavkirin û ji 40 madeyan pêk tê, di parlementoyê de bi dengên AKP’ê û MHP’ê hat qebûlkirin
Serhat News
(lg)
Jêder: MA Kurdî
