Li hejmarek zêde zanîngehên Îranê tevî êrişên dijwar ên rejîmê çalakiyên nerazîbûnê berdevam in.
Çalakiyên piştî qetilkirina jina ciwan a Kurd Jîna Mahsa Amînî li Îranê destpêkiribûn, berdewam in. Duh jî li bajarên Sine, Seqiz, Merîwan û Pîranşarê çalakî hatin lidarxistin. Her wiha xwendekarên dibistana amadehî û zanîngehê li gelek bajaran meş û çalakî li dar xistin. Hêzên rejîma Îranê xwendekarên zanîngehê yên li Sineyê dorpêç kirin û hewl dan pêşî li ber çalakiyê bigirin. Xwendekarên zanîngehê yên Îranê neçûn dibistanê û çalakiya boykotê lidarxistin.
Rêxistina Mafên Mirovan a Îranê bang li hemû zanîngeh û navendên zanistê yên cîhanê kir ku li dijî zext û gefên rejîma Îranê piştevaniyê bidin xwendekarên zanîngeh û dibistanan ên Îranê.
Serhat News
(lg)
Jêder: MA Kurdî
