Civîna Wezîrên Derve yên Tirkiye, Sûriye, Rûsya û Îranê dê sibê bê lidarxistin

Li bendeyê ku Wezîrên Derve yên Tirkiyê, Sûriyê, Rûsya û Îranê sibê li Moskovayê bên cem hev.

Wezîrê Derve Mevlut Çavuşoglu diyar kiribû ku Wezîrên Derve yên her çar welatan di 10’ê Gulanê de dê li paytext Moskova ya Rûsyayê bicivin.

Di civînê de, dê pêwendiyên Tirkiyê û Sûriyê û egera asayîkirina pêwendiyên her du welatan bên gotûbêjkirin.

Piştî civînên di navbera Wezîrên Berevaniyê û serokên dezgehên Îstîxbaratê yên welatên Rûsya, Tirkiye, Sûriye û Îranê, ev yekem car e ku Wezîrên Derve yên her çar welatan li hev bicivin.

Civîna her çar welatan a li Moskovayê di demekê de ye, ku wezîrên derve yên welatên Ereb pêr biryar dan ku Sûriye piştî 12 salan vegere nav Komkara Erebî.(Rûdaw)

Serhat News