Hevserokê berê yê HDP’ê Selahattîn Demîrtaş bo vîdeoya derbarê ‘Elewiyan’ de piştgirî da Kemal Kiliçdaroglu. Demirtaş di peyama xwe de got, “Ez birêz Kiliçdaroglu pîroz dikim û bi dil û can piştgiriyê didim van peyamên wî”
Hevserokê Giştî yê berê yê Partiya Demokratîk a Gelan (HDP) Selahattîn Demîrtaş ku niha li Girtîgeha Edîrneyê tê ragirtin, bo vîdeoya derbarê ‘Elewiyan’ de ya namzetê serokkomariyê yê Tifaqa Millet Kemal Kiliçdaroglu bi ser hesaba xwe ya Twitterê peyamek weşand.
Demîrtaş di peyama xwe piştgiriya xwe bo Kiliçdaroglu diyar kir û got, “Ez birêz Kiliçdaroglu pîroz dikim û bi dil û can piştgiriyê didim van peyamên wî.
Demîrtaş di peyama xwe de wiha gotiye: “Bila her kes dil temaşe û guhdar bike. Pêkane ku li ser vê axê hemû kes bê cudakarî, bi awayekî wekhev, di nava biratî û aramiyê de jiyan bike. Ez birêz Kiliçdaroglu pîroz dikim û bi dil û can piştgiriyê didim van peyamên wî.”
Serhat News
