Hevserokê berê yê HDP’a Stenbolê Dogan Erbaş ku jê re 12 sal cezayê girtîgehê hatibû birîn, piştî cezayê wî hatiye erêkirin, li Enqereyê hate desteserkirin.
14’emîn Dadgeha Cezayê Giran a Stenbolê di sala 2022’an de bi îdiaya ku “endamên rêxistina terore ne” û “propagandaya rêxistinê kirine”, Hevserokên berêyê HDP’ê yên Stenbolê Dogan Erbaş, jî di nav de ji 11 rêveberên bajêr yên HDP’a Stenbolê re ji 6 salan heta 12 salan cezayê girtîgehê birîbû.
Di vê çarçoveyê de ji Dogan Erbaş re bi îdiaya ku “endamê rêxistina terorê ye” 12 sal û “propagandaya rêxistina terorê kiriye” salek, 21 meh û 22 roj ceza hatibû birîn.
Bi gel Erbaş re li rêveberên bajêr Aysel Guzelê 7 sal û 6 meh, Alî Îpeklî 6 sal û 3 meh, Ayşe Karadag 10 sal û 6 meh, Feremez Erkan 9 sal, Muhittin Arslanboga 6 sal û 3 meh, Suleyman Başer 6 sal û 3 meh, Suleyman Özcan 9 sal û 9 meh û li Kasim Oba jî 12 sal cezayê girtîgehê hatibû birîn.
Her weha Mehmet Tayyîp Aslan beraat kiribû. (bianet Kurdî)
Serhat News
