Wezîrê Parastinê yê Neteweyî Hulusî Akar û Serokê Rêxistina Îstixbarata Neteweyî (MÎT) Hakan Fîdan, ji bo beşdarî civîna çar alî ya, di navbera Tirkiye, Rûsya, Sûriye û Îranê de bibin, çûn paytext Moskova ya Rûsyayê.
Civîna çar alî wê di navbera wezîrên parastinê û serokên îstixbaratê yên herçar welatan de bê lidarxistin.
Akar û Fîdan li Balafirgeha Vnûkovayê ji aliyê rayedarên Rûsyayê û Balyozê Moskovayê yê Tirkiyeyê Mehmet Samsar ve hatin pêşwazîkirin.
Di civîna çar alî de tevlî Akar û Fîdan, wê Wezîrê Parastina Rûsyayê Sergey Şoygu, Wezîrê Parastina Sûriyeyê Korgeneral Elî Mihemed Ebas û Wezîrê Parastina Îranê Mîrlîwa Mihemed Riza Aştiyanî jî beşdar bibin.
Serokên îstixbaratê yên her çar welatan jî dê tevli civînê bibin.
Akar her wiha di çarçoveya civînê de wê hevdîtinên dualî jî pêk bîne. (AA)
Serhat News
