Di demek ku qedexeyên li ser Huner û Çanda Kurd berdewam dikin, hunermend jî ji bertekên xwe didin nişandan. Hunermend Erdogan Emîr û Aysel Borak derbarê konserên ku di demên dawî de hatin qedexekirin de ji Serhat News re axivîn.
Bi salan êrîşên li ser huner û çanda Kurdî qedexeyên nû bi xwe re anîn. Şaredarîyên AKP’ê û waliyên bajaran konserên ku hunermendên kurd dixwazin li dar bixin qedexe dikin.
Konserf Aynur Dogan li Derînce, ya Metîn û Kemal Kahraman li Mûşê û ya Koma Stêrka Kerwan li Bedlîsê ji hatin qedexekirin. Hunermendên Kurd Erdogan Emîr û Aysel Borak bertek nişanê helwestê dan.
‘Ev serdem pêvajoya derbeyê tîne bîra me’
Hunermend Erdogan Emîr, diyar kir ku qedexeyên li ser xebatên hunerî û çandî bi salan e berdewam dikin û dibêje ku ev pêvajoyên derbeyê yên van serdeman tîne bîra wan. Erdogan wiha axivî: “Hikûmetek heye ku tenê li dijî yekzimanî, cihêrengiyê bibe desthilatdarek navendî. Siyaseta wî ya li ser ziman, çand an jî baweriya wî bandorê li karê hunermendan dike. Bi awayekî ku ji aliyê wezaretên çand û komeleyên pîşeyî ve hatiye pejirandin bi civakê re hevdîtin dike. Destûr dide ku stranên wî bên rakirin, lê di heman demê de li ser siyaset û cihên konsertan bi kêfî hincetên pêkenok çêdike û rojek beriya konseran mirovan bêçare dihêle. Pirsgirêka van hemû rêxistinan bi awayekî pirsgirêkên gel di vê wateyê de zêde dike.”
‘Qedexekirina konseran karekî hovane bû’
Emîr bal kişand ser wê yekê ku nirxên girîng ên ku ji demên kevnar heta roja îro bi hunerê hatine hilgirtin, bi qedexeyan nikare bide rawestandin û got, “Qedexekirina konseran bi êş bû. Em di salên 80’î de hatin dinê û bi çavên xwe bûn şahid ku di salên 90’î de li ser vê axê çi qewimî. Mirovan rewş û karakterên mirovên din ji hebûna xwe bi cih dikirin. Lê di vê demê de, ez difikirim ku kes nikare xwe û nasnameya xwe eşkere bike bêyî ku hewldanek taybetî bide fêrbûna xwe. Civakek azadîxwaz û ciwanek heye. Divê em li dijî neheqiyê helwesteke bi rûmet nîşan bidin.”
‘Gelek hunermend bi awayekî derqanûnî li girtîgehan tên girtin’
Hunermend Aysel Borak, girtina endama koma Sorxwîn Nûdem Durak, dengbêj Behiye Bakî û dengbêj Xalide, herwiha desteserkirina hunermend Zelal Ozgokçe bibîr xist. Di berdewamiyê de Borak bi taybet jî balkişand ser pêkutiyên li dijî hunermendên kurd ên jin û wiha axivî: “Gelek hevalên me ji ber hunermendên kurd in di binçavan de ne û bi awayekî derqanûnî tên girtin.”
‘Armanca qedexekirina konseran ne hişyarkirina gel e’
Borak konserên ku di demên dawî de hatibûn qedexekirin bi bîr xist û got, “Konsertên Metîn-Kemal Kahraman Aynur Dogan, Stêrk Karwan û gelek hevalên me yên hunermend ji ber bêtehamuliya wan a li hemberî kurdî û bi hincetên biçûk tên betalkirin. Aynur Dogan ji bo yek ji xelatên herî bi prestîj ên cîhanê di layîq hat dîtin, lê li welêt tu bertek ne hat, hetta nexwestî hat bihîstin. Ji bo dewleta Tirk xeteriyeke mezin e. Yên ku civakên çar aliyê cîhanê ronî dikin hunermend, rewşenbîr û nivîskar in. Ji ber ku dizanin wisa ye, ji bo ku civak hişyar nebe û ronak nebe, dengên wan di destê yekem de tê qutkirin. Armanc ew e ku di her warî de jî nefes neyê girtin. Li gorî dewletê her kurd siyasî ye, ji bo dewletê sed sal berê jî wisa bû, îro jî berdewam dike, lewma kevneşopiya dewletê li hemberî kurdan tu carî neguheriye.”
(lg)
