Serokê Şaredariya Bajarê Mezin a Stenbolê (ÎBB) Ekrem Îmamoglu wê biçe serdana zêdetirê 15 bajaran. Li gor zanyariyan di nava van bajaran de Colemêrg û Dêrsim jî hene.
Li gor nûçeya Rûdawê, Serokê ÎBB’ê Ekrem Îmamoglu xwe ji bo gereke ku zêdetirê 15 bajar di nav de ne, amade dike.
Hat ragihandin ku Îmamaglu di gera xwe de dê biçe serdana şaredariyên ku ligel Şeredariya Stenborê bûne bira. Îmamoglu, di van serdanan de dê tevli merasîma vekirina hin projeyên ku bi piştgiriya Şaredariya Stenbolê hatine çêkirin, bibe.
Her wiha Îmamoglu li van deveran dê biçe serdana dikandar û welatiyan jî.
Hat hînbûn ku Îmamoglu dê biçe serdana bajarên Dêrsim û Colemêrgê jî û li van bajaran serdana gel bike.
Weke tê zanîn, Ekrem Îmamoglu di hilbijartinên xwecihî yên sala 2019’an de bi piştevaniya dengên HDP’ê û Kurdan li Stenbolê wek şaredar hatibû hilbijartin.
Serhat News
(lg)
