Li Îranê kolbereke Kurd li ser sînorê bajarê Nowsudê ji aliyê hêzên rejîmê ve hate qetilkirin û 8 kolber jî birîndar bûn.
Hêzên rejîma Komara Îslamî ya Îranê, li ser sînorê bajarê Nowsud ê girêdayî Eyaleta Kirmanşahê gule li kolberan reşandin. Li gor nûçeya Ajansa Mezopotamyayê, di encama êrişê de kolbereke ku navê wî nehate hînbûn, jiyana xwe ji dest da û 8 kolber jî birîndar bûn. Di êrişê de kolber, ji ling, zik û milên xwe birîndar bûn. Hat zanîn ku ji kolberên birîndar rewşa Ehsan Rasoulî giran e û ew rakirine Nexweşxaneya Qudsê ya li Paveyê. Birîndarên din di newxweşxaneyên cuda yên yên eyaleta Kurdistanê de tên dermankirin.
Pêr jî kolberek hatibû qetilkirin
Li aliyê din hate zanîn ku pêr jî kolberê bi navê Rasûl Gagashî li ser sînorê bajarê Baneyê rastî êrîşa hêzên rejîma Îranê hatiye. Li gor agahiyan, di encama êrîşê de Gagashî yê ji bajarê Serdestê jiyana xwe ji dest da.
Hat ragihandin ku cenazeyê Gagashî rakirine Nexweşxaneya Salahaddîn Ayubî û piştre jî li gundê wî hatiye definkirin.
Serhat News
