Ji Amerikayê li hemberî operasyona muhtemel ya Tirkiyê ya li dijî bakurê Suriyê hişyarî hat.
Li gorî nûçeya Bîanet Kurdî ya ji Euronewsê ragihandiye, Koordînatorê Ragihandina Stratejîk ê Desteya Ewlehiyê yê Qesra Spî John Kirby, li hemberî operasyoneke muhtemel ya Tirkiyê bo Bakurê Suriyê daxayaniyek da.
Di daxuyaniyê de Kirby gotiye “Metirsiyên me yên kûr ên derbarê gefa operasyoneke leşkerî ya Tirkiyeyê dewam dikin ku ev operasyon dê li bakurê Sûriyeyê aramiyê têk bibe, têkoşîna li dijî DAIŞê û sivîlên li wir dijîn bixe xetereyê.”
Herwiha Kirby di berdewamiyê de wiha axiviye, “Rêveberiya Serokê Amerîkayê Joe Biden jî metirsiyên xwe yên derbarê vê mijarê de bi rayedarên Tirk re parve kirine.”
Hêjayî gotineye ku du roj beriya niha AFP’ê hin dîmen weşandibûn. Di dîmenan de, leşkerên Amerîkayê yên li ser sînorê Tirkiyeyê, li bajarê El Qehtaniye û Qamişloyê digeriyan û bi rayedarên wê derê re civiyane.
Serhat News
(lg)
