Ji cerdevan R. O re ku li hemberî zaroka 12 salî bi “Îstismara zayendî” tê tewanbarkirin, dadgehê 50 sal û 7 meh û 15 roj cezayê girtîgehê birî.
Doza cerdevan ê bi navê R.O ku li navçeya Şaxê ya Wanê li hemberî zaroka 12 salî destdirêjî kiribû li 6’emîn Dadgeha Cezayê Giran a Wanê hat dîtin.
Bersûç O. di danişînê de, îfadeyên xwe yên berê dubare kir û xwest ku were berdan. Parêzerê zarok jî xwest ku Okam bi cezayê herî giran bê cezakirin. Piştî parastinan jî şandeya dadgehê biryara xwe da û bi sedema “îstîsmara zayendî ya biwesf” 50 sal û 7 meh û 15 roj cezayê girtîgehê da O’yê bi tecawîzê tê tewanbarkirin.
Çi bûbû?
Di sala 2021’an de li navçeya Şaxê ya Wanê li gor îdîayan, zarokeke keç a 12 salî ji aliyê cerdevan R. O ve hat tecawizkirin. Piştî ku zarokê tiştên li wê hatin kirin bi mamosteya xwe re parve kir, bûyer hat zanîn û tecawizkar hat girtin. Piştre jî xizmên Okam zext li malbatê kir û jê xwestin ku gund biterikînin. Ji ber gefên malbata cerdevanê tecawizkar, malbat neçar ma ku ji gund koç bike.
Serhat News
(lg)
Jêder: MA Kurdî
