Pirtûka nivîskar Besîm Baykal a bin navê “Çanda Çiyayî” ji aliyê Weşanxaneya Sîtavê ve hate çapkirin. Pirtûk balê dikişine ser jiyan û çanda berê ku êdî ji nav civakê radibe.
Di vê pirtûka ku ji aliye nivîskar Besîm Baykal ve hatiye nivîsîn de mirov bi rengekî zelal dibîne ku civaka Kurdan a berê bêje hema her tiştê xwe bi xwe çareser dikir.
Mijareke din a ku mirov xweziyê pê de dibe mijara bi hev re jiyanê ye. Bi devê kesên pîr û kal behsa jiyana komînal tê kirin û mirov dibîne ka civakê çawa jiyaneke komînal bi hev re derbaz kiriye û di her warê jiyanê de bi alîkariya hev û du li hemberî zor û zehmetiyan pirsgirêkên xwe çareser kirine û li ser piyan maye.
Her çiqas devera Oremar esas hatibe girtin û berhem ji devê pîr û kalên wê herêmê pêk hatibe jî, ev berhem eynika hemû deverên din ên çiyayî yên Kurdistanê ye. Ji ber ku jiyana çiyayî ya Kurdan xar û jor li her derê wekî hev e.
Pirtûk bi wêneyên rengîn hatiye xemilandin û rengîn hatiye çapkirin.
Ev berhem ji bo naskirina jiyan û çanda gundewar a deverên çiyayî berhemeke herî baş sûdewer e.
Berhem ji 306 rûpelan pêk tê.
Serhat News
