Jina ku teqemenî danîbû ber avahiya HDP’ê serbest hatiye berdan

Li Edeneyê, jina bi navê A.C. ya ku teqemenî û sotemenî danîbû ber avahiya HDP û Partiya Çep a Kesk, serbest hatiye berdan.

Hate ragihandin ku A.C. li Nexweşxaneya Nexweşiyên Derûnî ya Ekrem Tok ya Edeneyê tê dermankirin. Piştî karên li Midûriyeta Şaxa Asayîşê A.C. birine edliyeyê.

Li gor nûçeya Ajansa Anadoluyê hatiye îdiakirin ku A.C.ya 26 salî ya ku hatiye desteserkirin derûniya wê ne baş e û hişê wê li serê wê nîne.

Piştî îfadeya li dozgeriyê A.C. şandine Dadweriya Sul Ceza û di encama darizandine de şertê kontrola edlî serbest hatiye berdan.

Serhat News