Li Hatayê, di nehemîn roja erdhejê de jinek bi saxî ji bin kavilê avahî hat rizgarkirin.
Piştî 201 saetan li Hatayê jineke bi navê Emîne Akgul a 26 salî ji binê kavileke avahiyê bi saxî hat rizgarkirin. Akgul, dûre ji nexweşxaneyê re hate veguhestin.
Tîmên rizgarkirinê dema paqijkirina kavilan dikirin rastî Akgul ê hatin û di heman demê de dest bi xebatên rizgarkirinê kirin. Di encama xebatê de Akgul bi saxî ji wir hate derxistin û ew ji aliyê tîmên tendirustiyê ve bo nexweşxaneyê hat veguhestin.
Karmendekî tîmên rizgarkirinê got: “Destpêkê şofêrê makîneya kar dît. Piştre tîmên rizgarkirinê midaxele kirin. Bêtevger rawestiya bû. Ji cihekî hevraz û bilind hat derxistin.”
Di 6’ê Sibatê de du erdhejên mezin bi hêza 7.7 û 7.6’an li navçeyên Bazacix û Elbistan ên Mereşê çêbûn û 10 bajar hejandin.
Di encama erdhejê de wêraniyek mezin li herêmê çê bûye û bi hezaran avahî hilweşiyane, herwiha bi hezaran kes mirine û bi deh hezaran kes jî birîndar bûne.
Li gor amarên herî dawî yên AFAD’ê, heta niha 31 hezar û 974 kesan di erdhejan de jiyana xwe ji dest dane. (Rûdaw)
Serhat News
(lg)
