Kabîneya Hikûmeta Serokkomariyê, îro li Enqerê bi serokatiya Serokkomarê Tirkiyê Recep Tayyip Erdogan dicive û mijara sereke rewşa aborî û rûbirûbûna enflasyonê ye.
Kabîneya Hikûmetê îro saet di 14.00’an de dê bi serokatiya Recep Tayyip Erdogan li Enqerê bicive.
Di rojeva kabîneyê de nirxandina serdana Erdogan a bo welatên Kendavê, 18 rêkeftinên ku di serdanê de hatine îmzekirin, rûbirûbûna enflasyonê û tedbîrên dijî zêdebûna kirêya xaniyan hene.
Herwiha di civînê de amadekariyên girêdayî pêvajoya girêbesta giştî ya serdema 7’emîn a karmendan û teqawîtan jî dê bê nirxandin.
Tê çaverêkirin, di civînê de mijara operasyonên leşkerî yên navxwe û derveyî sînor jî bên gotûbêjkirin.
Tê payîn ku piştî civînê Erdogan daxuyaniyekê bide medyayê û biryarên ku di civînê de hatine wergirtin, aşkere bike.
Serhat News
