Komkujiya Êzidiyan ji aliyê Brîtanyayê ve hate nasîn

Hikûmeta Brîtanyayê Komkujiya Êzidiyan ya sala 2014’an bi avayekî fermî naskir.

Wezareta Karên Derve ya Brîtanyayê derbarê komkujiya kurdên êzidî da daxuyaniyek belav kir.

Hikûmeta Brîtanyayê di daxuyaniya xwe da ragihand ku hikûmeta wî welatî îro bi awayekî fermî qebûl kiriye ku DAIŞ’ê di sala 2014’an dijî kurdên êzidî komkujî pêk aniye.

DAIŞ’ê di 3’ê Tebaxa 2014’an de êrişî Şingalê kiribû. Di encama êrişê da bi hezaran kurdên êzidî yên sivîl hatibûn qetilkirin û koçber bûbûn.

Di êrişê da 6 hezar jin û zarokên êzdî ji aliyê DAIŞ’ê ve hatibûn revandin û 400 hezar jî koçber bûbûn. Heta niha jî bi hezaran zarok û jinên êzidî wenda ne û çarenûsa wan ne diyar e.

Serhat News