Hate diyarkirin ku 6 bajaran bi hinceta ‘Alîkariya aborî dane PKK’ê” derbarê 44 kesan de biryara desteserkirinê hatiye dayîn.
Li gor zanyariyan, Serdozgeriya Komarê ya Amedê, derbarê 44 kesên di nav de siyasetmedar û karsaz jî heyî bi hinceta‘Alîkariya aborî dane PKK’ê biryara desteserkirinê daye.
Operasyon bi hinceta piştî hilbijartinên 2019ê bi rêya îhaleyên (tender) şaredariyên HDPê alîkariya darayî dane PKKê hat kirin û hejmarek kes hatin desteserkirin.
Navên kesên li Amedê hatine desteser kirin wiha ne: Hevşaredarê Peyasê yê berê Necatî Pîrînççîoglu, Hevşaredarên berê yên Erxaniyê Ramazan Kartalmiş û Mervan Yildiz, Rêveberên HDP’ê yên berê, Tarik Yazgan, Ridavan Ezel, Alîkarê Serokê Odeya Bazirganî û Pîşesaziyê ya Amedê Celalettin Birtane û 5 xebatkarên Şaredariya Erxaniyê ku navên wan nehatine hînbûn.
Ji saziyên fermî heta niha derbarê operasyonê de ti daxuyanî nehatine dayîn.
Serhat News
(lg)
