Li navçeya Bazidê ya Agiriyê di bin sponsoriya Holdînga Dosso Dossî de ‘Mihrîcana Mûzîkê ya Çiyayê Agiriyê’ hate lidarxistin.
Mihrîcan li Stadyuma Bazidê bi tevlibûna hejmarek zêde mûzîkjen û nêzî 30 hezar temaşevanan ve birêve çû. Serokê Desteya Rêveber a Holdînga Dosso Dossî Hîkmet Eraslan, beriya mihrîcanê mizgînî da û got ku ew ê li Bazidê mûzeya ‘Keştiya Nuh’ vekin.
Di Qesra Îshak Paşa de bo astengdêrên dîtinê berhemên taybet
Li Bazidê, di mihrîcana ku bi sponsoriya Dosso Dossî Holdîngê hat lidarxistin de pêla çand û hunerê hat jiyandin. Bernameya mihrîcanê bi pêşengeha wênesazê navdar Îsmaîl Acar a bi navê ‘Nuh’ destpêkir. Pêşengeha ku ji 40 berheman pêk dihat, di Qesra Îshak Paşa a dîrokî de hat lidarxistin û hunerhezan eleqeyek baş nîşan da. Tê bawerkirin ku, Keştiya Nûh pêxember dadaye derdora Gundê Meşar a li qontara Çiyayê Agiriyê. Di pêşengehê de jî girêdayî vê mijarê berhema Îsmail Acar a li ser ‘Tofana Nuh’ eleqeyek herî zêde dît.
Bernameyek têr û tuje
Dîsa di pêşengehê de xebata dijîtal art (Hunera dijîtal) a ku bi efektên taybet hatiye amadekirin jî yek ji xebatên herî zêde rastî eleqeyê hatiye bû. Her wiha di pêşengehê de jibo astengdêrên dîtbariyê jî bi tîpên Braîlleyê hin wêne hatine amadekirin û li qada ceribandinên taybet de hate pêşkeşkirin.
Ji Mr. Dosso Dossî, Show a DJ
Piştî pêşengehê bi tevlibûna hûnermend; Tara Mamedova, Xero Abbas, Yunus Agiri, Çakal, Reckol, Kurtuluş Kuş û Burak Bulut konserek hate lidarxistin. Li aliyê din, Show a DJ a ku ji aliyê Serokê Desteya Rêveber a Holdînga Dosso Dossî Hîkmet Eraslan ve hat darxistin mora xwe li şevê xist. Bernameya ku bi temamî bê pere bû dika hatî çêkirin, showên deng û ronahîyê û her wiha fîşekên hewayî ji beşdaran puanên baş wergirtin. Tevî navçeyên Agiriyê, gelek mêvan ji bajarên Wan, Amed, Qers, Erzirom û Îdirê bo mihrîcanê hatin Bazidê. Di bernameyê de ku heta nîva şevê dewam kir de, gelek caran ji ber qelebalixê îzdiham hat jiyandin.
‘Ez di xebatên xwe de hunerê esas digirim’
Serokê Desteya Rêveber a Holdîng a Dosso Dossî Hîkmet Eraslan beriya bernameyê pirsên me bersivandin. Eraslan, got ku ew di xebatên xwe de her tim hunerê esas digire û wiha domand: “Ez li qesra Îshak Paşa gelek geriyam. di zarokatiya xwe de, min li vir pir li kerxanê temaşe kir. Helbet bandor li min kirin. Ez ji hunera xalîçeyê pir bandor bûm. Mînak motîfên hatine çêkirin li herêma me gelek bi qîmet in. Û ev yek bi demê re gelek alîkariya min kir, nemaze piştî ku ez çûm derve. Min ji nişka ve xwe wek evîndarekî hunerî dît. Ez li Îtalya dijîm. Xezurê min min pisporekî navdar ê wênesaziyê yê Îtalî ye û piştî parvekirina bi wî re min dest pê kir ku xwe wekî kolektîfek pir girîng bibînim. Bi rastî jî vê dawiyê me pêşangehek bi navê “Resamên Îtalî li Doğubeyazıtê” vekir û li vir tabloyên navdar ên Îtalyayê hatin pêşandan. Xelkê me berhemên wênesazên Îtalî dîtine û ez kêfxweş bûm ku ez bextewariya xwe ya ku min bi salan berhev kiriye, û bextewariya parvekirina berhemên ku ji bo min pir bi qîmet in parve bikim.”
‘Li herêmê potansiyelek hunerî heye ku divê were eşkerekirin’
Eraslan eleqe û hestên ku di çalakiyên li herêmên Rojhilatê Anadoluyê û Başûrê Rojhilatê Anadoluyê li dar xist de derketiye holê bi van gotinan anî ziman: “Ew ku herêma me bi hunerê ve girêdayî ye, dê ji bo pêşketina gelê me gelek bi fêde be. Ji ber ku gelê me çiqasî bi huner û muzîkê ve girêdayî be, wê di pêşerojê de mejiyê wî jî ewqasî afirîner û zelal be. Bi taybetî ji bo ciwan û zarok bi hunerê re bên girêdan ez van çalakiyan li dar dixim. Ji ber ku ez dixwazim di paşerojê de wênesaz, muzîkjen û peykersazên me yên pir girîng derkevin holê. Li vê herêmê ew potansiyel heye, lê tenê kêmasiya wê çawa û çawa heye. Ev bûyerên ku ew dibînin dê di wan de bibe sedema çirûskekê. Û ev ê hêdî hêdî wan ber bi muzeyan û deverên din ve bibe. Ji ber vê yekê dê di pêşerojê de bi sedan wênesaz û hunermendên mezin hebin. Lê ji bo vê pir girîng e ku ew dîtbar bin, ango bibînin.”
‘Em ê çalakiyên xwe yên nû li herêmê zêde bikin’
Eraslan, anî ziman ku ew ê li çalakiyên xwe yên dawî mûzeyeke nû zêde bikin, mizgînî da ku ew ê li navçeya Bazidê muzeya “Keştiya Nuh” ava bikin. Eraslan got, “Wek hûn jî dizanin me berê li Amedê pêşandana modayê li dar xist. Ez wê jî weke xebateke hunerî û çandî dibînim. Lê em ê li gelek parêzgehên din çalakiyên wek wênekêşî, pêşandanên modayê û pêşangehan hebin. Dema ku em van dikin, em wek Holdinga Dosso Dossi tenê berê xwe didin wan, em sponsoriya wan dikin, em kêfxweşiya xwe dikin ku em van tiştên hêja bi gelê xwe re parve bikin û em vê wekî projeyek berpirsiyariya civakî dibînin. Ger ku em destûr û prosedurên zû temam bikin, em ê muzeya “Keştiya Nuh” bînin Bazidê. Û bi vî awayî em ê hunerhezên ku serdana vê muzeyê dikin, li Çiyayê Agirî û Qesra Îshak Paşa jî bibînin. Dê hejmara kesên bên vir zêde bibin, hejmara turîstên jêhatî dê zêde bibe. Buddha ji bo min wêneyê bextewariyê ye”
Serhat News
Vîdeo: Zafer Avnas
Montaj: Dildar Guler
(lg)
