Li Amedê polîsan mudaxaleyî çalakiya bo şermezarkirina operasyona Tirkiyeyê ya li hemberî Bakurê Sûriyeyê kirin. Piştî mudaxaleyê Hevserokê HDP’ê yê Amedê jî di nav de 47 kes hatin desteserkirin.
Operasyona Hêzên Artêşa Tirk (TSK) yên li hemberî Bakûrê Sûriyeyê û Herema Kurdistana Federal a Iraqê berdewam dikin.
Îro li Amedê parlamnenter, endam û rêveberên Partiya Demokratîk a Gelan (HDP) û hejmerek welatî li Qada Deriyê Çiya ya hatin cem hev. Komê li vir xwest ku bi mebesta şermezarkirina operasyonê daxuyaniyekê bide çapemeniyê. Lê polîsan destûr neda û mudaxale li girseyê kir.
Di encama mudaxaleyê de Hevseroka HDP’ê ya Amedê Zeyat Ceylan û Hevseroka Partiya Heremên Demokratîk (DBP) Demokratîk Seval Gulmez jî di nav de 47 kes hatin desteserkirin.
Hat hînbûn ku kesên hatine desteserkirin bo lêpirsînê ji Midûriyeta Ewlekariya Amedê re hatine veguhestin. (MA Kurdî)
Serhat News
(lg)
