Li Amerîkayê di encama êrîşa çekdarî de 6 kes hatin kuştin

Li bajarê Arkabutla ya bi ser eyaleta Mississippi  ya Amerîkayê, di encama êrîşeke çekdarî de 6 kesan jiyana xwe ji dest da.

Rayedarên ewlehiyê yên bajarê Arkabutla li ser hesaba Facebookê daxuyanî dan. Di daxuyaniyan de hatiye gotin, li sê cihên cuda yên bajêr bi çekan êrîş hatine kirin û di encamê de 6 welatiyan jiyana xwe ji dest dane.

Derbarê bûyerê de polîsê bajarê Arkabutla ragihandiye, tometbar parka otomobîlan a firoşgehekê daye ber guleyan û piştre bi otomobîla xwe çûye maleke nêzîkî cihê hevjîna xwe ya berê û ew kuştiye.

Piştre polîsan du termên din di malekê de dîtine, ku di wê baweriyê de ne, ew her du term, ji malbata tometbar in. (K24)

Serhat News

(lg)