Welatiyên bajarê Seqiz a Îranê biboneya protestokirina çêkirina rêya ku çûn hatina bi ser gora Jîna Emînî asteng dike, dest bi greva giştî kir.
Şaredarî ji bo ku çûna gel a li ser gora Jîna Emînî ya li Goristana Ayçiyê asteng bike projeya rê da destpêkirin.
Hat zanîn ku şaredarî dixwaze rêya goristanê bigire û parkên li goristanê jî ji holê rake. Piştî ku gel ji van plansaziyan agahdar bû, bi armanca protestokirna biryara şaredariyê biryar hate girtin ku mitîngek were lidarxistin.
Di heman demê de leşkeran beriya mitîngê, bajarê Seqizê dorpêç kirin. Hêzên rejîmê hemû rêyên ku diçin şaredariyê girtin û trafîka li ser van rêyan dan sekinandin.
Li ser vê yekê dikandaran ji bo ku piştgirî bidin malbatan, greva giştî dan destpêkirin. (MA)
Serhat News
