18 saziyên navnetewî ku di nav de rêxistinên çapemeniyê jî hene, bertek nîşanê operasyona ku duh li 21 bajaran hatibû lidarxistin da. Rêxîstinan daxwaz kir ku , rojnamevan, hunermend, parêzer û siyasetmedarên ku hatine desteserkirin, demildest serbest bêne berdan.
Duh, navenda wê Amed li 21 bajaran, polîsan bi ser gelek malan de girtin û zêdeyî 150 kesên di nav de siyasetmedar, rojnamevan, parêzer û hunermend jî hebûn, hatine desteser kirin. Piraniya wan saziyên medyayê 18 saziyên navnetewî, bi daxuyaniyeke hevbeş bal kişandin ser pêvajoya hilbijartinê û banga berdana kesên desteserkirî kirin.
Di daxuyaniyê de hatiye diyarkirin ku berî hilbijartinan pêwîstî bi medyayeke azad û piralî heye.
Rêxistinan di daxuyaniyê de wiha gotin e:
“Divê zextên li ser berpirsên rêxistinên mafên mirov ên Tirkiyê, azadiya raderbirînê, azadiya medyayê, rojnamevanên Kurd, xebatkarên medyayê, saziyên medyayê, parêzerên ku wan diparêzin û berpirsên partiyên siyasî yên Kurd û tacîzên sîstematîk û kiryarên çavtirsandinê bên rawestandin, hevdîtina ligel parêzeran bê dabînkirin, hemû tohmetên tên kirin bên eşkerekirin û kesên desteserkirî bên berdan. Bi vê helkeftê em berî hilbijartinên 14’ê Gulana 2023’an pêwîstiya medyayeke azad û piralî dubare dikin. Sedema bi ser de girtina mal û ofîsên 128 kesan bi awayekî eşkere ne diyar e. Hatiye ragihandin ku derbarê 216 kesan de biryara desteserkirinê hatiye dayîn. Ji ber qedexeya hevdîtina parêzeran tohmetên ku têne kirin nayên zanîn.
Operasyon li dijî medyaya Kurd û muhalefeta siyasî gaveke din a zext û çavtirsandinê ye. Berê jî di Hezîrana 2022’an de li Diyarbekirê 20 rojnamevan hatibûn desteserkirin û 16 ji wan hatibûn girtin. Cotmeha 2022’an li Enqere, Stenbol, Wan, Amed, Riha, Mêrsîn û Mêrdînê 11 rojnamevan bi hinceta terorê hatibûn desteserkirin.
Em bang li berpirsan dikin demildest ligel rojnamevan, parêzer û aktîvîstên siyasî yên hatine desteserkirin rê bidin hevdîtina parêzeran û hemû hûrgiliyên tohmetên tên kirin bên eşkerekirin. Eger dema delîleke ku erka xwe bi xirabî bikar anîne neyê tespîtkirin, divê yekser bên berdan.”
Daxuyanî ji aliyê Hevpeymaniya Jin a Rojnamevaniyê (CFWIJ), Pen a Engilish, Navenda Azadiya Medya û Çapemeniyê ya Ewropa (ECPMF), Federasyona Rojnamevanên Ewropa (EFJ), Federasyona Rojnamevanên Navdewletî (IFJ), Saziya Medyayê ya Navdewletî (IPI), Komeleya Medya û Xebatên Hiqûqê (MLSA), Osservatorio Balcani Caucaso Transeuropa (OBCT), PEN Amerîka, PEN International, PEN Netherlands, PEN Norway, PEN Québec, Platforma Rojnamevanên Serbixwe, P24,San Miguel PEN, Scottish PEN, Organîzasyona Medya Başûrê Rojhilatê Ewropa (SEEMO) hatiye îmzekirin. (Rûdaw)
Serhat News
