Li Erdexanê ji ber bahozê banên hinek xaniyan firiyan û zerar gihişt otomobîlan.
Li Erdexanê duh êvarî piştî baranê bahoz rabû û bandoreke neyînî li jiyana welatiyan kir.
Ba û bahozê li taxa Înonuyê ya navenda bajêr û li gundê Sînotê yê navçeya Mardenîkê zerar da banê hin avahiyan.
Ew kelûpelên ku bi tesîra bahozê ji ser banan firiyan li taxa Înonuyê bi ser 2 otomobîlên parkkirî de ketin û zerar gihand wan.
Herwiha ji ber bayê bihêz beşek ji hêlên elektirîka nav bajar jî têkçûn û tîman ji bo çêkirina wan dest bi xebatan kir.
Welatiyê bi navê Bulent Koksoy diyar kir ku ew ji nişkekê ve rûbirûyî bahozê bûn û piştî ku dîtiye banê xaniyên wan firiyane aliyên peywendîdar ji rewşê agahdar kirine.
Bulent Koksoy got, “Êvarî bahoz rabû û ban firandin. Ew kelpûlên ku ji banan firayane zerer gihand otomobîla me. Karesateke xwezayî ye.
Me saziyên dewletê agahdarkirin. Me agahî da tîmên parastina sivîlan, parêzgarî û şaredariyê. Bahoz ewqasî bihêz bû hêla elektirîkê jî têk bir. Niha heval hatine û elektirîkê çêdikin. Zerer mezin e.”
Rayedaran ji ber baran û bahozê hişyarî da welatiyan.(Rûdaw)
Serhat News
