Di encama qezayê de li Erzînganê 2 kesan jiyana xwe ji dest da û 31 kes jî birîndar bûn.
Li gor agahiyan otobusa rêwiyan a plaqe 34 DMZ 719 e ku ji Îdirê diçû Enqereyê, li ser rêya Erzirom-Erzinganê, li herema Bayirbagê wergeriya şarampolê. Di encamê de 2 kesan jiyan ji dest da, 7 jê giran 31 kes jî birîndar bûn.
Piştî qezayê ekibên hewarçûnê çûn cihê bûyerê û birindar rakirin nexweşxaneyan.
Waliyê Erzinganê Mehmet Makas ku li cihê bûyerê daxuyaniyek da destnîşan kir ku di otobusa fîrmayeke taybet da ji bilî ajokar û 2 peywirdaran, 30 rêwî hebûn û ev agahî dan: “Ji ber xeletiya ajokar, otobus wergeriya û ket şarampolê û her wiha di encamê da kesek mir, 8 jê giran 32 kes birîndar bûn.”
Di vê navberê de pişti daxuyaniya Walî Makas agahî hat ku birîndarekê li nexweşxaneyê jiyan ji dest daye.
(lg)
