Li navçeya Xinûsê ya Erzeromê ji 7 zarokên keç ên ku ketibûn golekê 2 ji wan fetisîn.
Li Taxa Akbayirê ya navçeya Xinûs a Erziromê duh, 7 zarokên temenê wan di navbera 9 û 12’an de, bêyî agahdariya malbatên xwe ji bo avjeniyê çûn goleke ku ji bo sewalan hatibû çêkirin.
Ji 7 zarokên ku ketin gola ku binê wê herî bû, 3 ji wan di bin avê de winda bûn.
Hevalên wan zarokan malbat ji rewşê agahdar kirin.
Li ser agahdarkirinê malbat û gundî bi hawara zarokan ve çûn.
Zaroka bi navê Ecrîn Coşkuna 9 salî bi saxî ji golê hat derxistin.
Coşkun piştî dermankirin destpêkê ya li Nexweşxaneya Xinûsê bi helîkopterê veguhestine Nexweşxaneya Perwerde û Lêkolînan a Erziromê.
Gundiyan piştre ji bo dîtina zarokên bi navên Elîf Berfîn Demîr (12) û Serayî Çelîk dest bi xebatê kirin.
Piştî demekê cenazeyên her du zarokan jî ji golê derxistin û birine morga Nexweşxaneya Erziromê.
Malbat û xizmên zarokan çûn nexweşxaneyê û li ber deriyê nexweşxaneyê şîn girêdan û li ser zarokên xwe lorandin.
Hat ragihandin ku piştî bûyerê gol hatiye valakirin. (Rûdaw)
Serhat News
