Li Erziromê 272 panaberên Efxanistanî hatin dersînorkirin.
Îdareya Koçê ya Erziromê ragihandiye ku 272 penaberên Efxanîstanî bi balafirê ji bo paytext Kabil a Efxanîstanê hatine dersînorkirin.
Wezareta Navxweyî destnîşan kiriye ku ji 1’ê Çile heta 5’ê Çileya 2023’an li tevahiya Tirkiyeyê hezar û 28 penaber hatine dersînorkirin ku 477 ji wan Efxanîstanî, 11 Pakîstanî û 540 penaberên din ji welatên cuda bûne.
Li gor agahiyan penaberên ku heta niha li navendên dersînorkirinê mane, 20 hezar û 497 kes in. Ji vê hejmarê 5 hezar û 411 penaber Efxanîstanî ne, 3 hezar û 866 Pakîstanî û 11 hezar û 220 penaberên din ji welatên cuda ne.
Her wiha hat destnîşankirin ku, sala borî rê li ber 280 hezar û 206 penaberan hatiye girtin ku hewl dane derbasî nav axa Tirkiyê bibin. Li aliyê din 236 hezar û 572 penaber jî hatine desteserkirin û ji wan 124 hezar û 441 penaber bo welatên wan hatine dersînorkirin. (Rûdaw)
Serhat News
(lg)
