Li Herêma Kurdistanê leşkerekî jiyana xwe ji dest da

Wezareta Parastinê ragihand ku li herêma “Operasyona Pençe-Kilîd” a di nav axa Herêma Kurdistanê de leşkerekî jiyana xwe ji dest daye.

Wezareta Parastinê bi daxuyaniyekê ragihand ku duh li Herêma Kurdistana Federal a Iraqê, leşkerê bi navê Enes Kirmizikoç ku li herêma “Operasyona Pençe Kilît” peywirdar bû, di encama lêketina perwaneya helîkopterê de bi giranî birîndar bûye.

Wezarêtê da zanîn ku Kirmizikoç rakirine nexweşxaneyê lê li nexweşxaneyê tevî hemû hewldanan nehatiye rizgarkirin û jiyana xwe ji dest daye.

Artêşa Tirkiyê roja 17’ê Nîsana 2022’an li herêmên Zap, Avaşîn û Metîna yên di nav axa Herêma Kurdistanê de li dijî PKK’ê operasyonek li dar xist û operasyon hê jî berdem e.

Serhat News