Ev demeke li bajarênn wekî Amed, Riha, Mêrdîn, Xarpêt û Sêrtê toz dibare. Jiber tozbaranê li van deveran mesafeya dîtinê car caran gelekî kêm dibe.
Li Amedê tozbarîn gelek zêdeye û li hinek cihan welatiyan derî û pencereyên xwe girtine û heta ji wan tê dernakevin derve.
Dîsa li Mêrdînê taybetî ew bajarokên nêzîkê sînorê Bakurê Suriyê, zêdetir ketine bin bandora tozbarînê. Herwiha Keleha Mêrdînê jî bi tevahî nayê dîtin.
Li Xarpêtê berpirs hişyariyê didin welatiyan û dibêjin eger karekî wan ê gelekî girîng nebe, dernekevin derve.
Rihaya jî bi heman şiklî ketiye ber wê pêla tozbarînê. Bi taybetî li bajarokê Kaniya Xezalan mesafeya dîtinê gelekî kêm bûye. Hinek welatî jî ku nexweşiyên wan ên sîngê hene bo nexweşxaneyê hatine veguhestin.
Pispor dibêjin, ew pêla tozbarînê ji Sûriye û Misrê hatiye.
Serhat News
(lg)
