Ji ber erdhejên Mereşê, li bajêr bi sedan avahiyan xesar dîtiye û bi dahan avahî jî hilweşiyan e. Ekîba Wanê ya Yekitiya Endezyar û Avahîsazên Tirkiyeyê çû herêma erdhejê û li vir xesar tespît kir. Endezyarê Înşaatê Firat Durmaz, got ku wan dîtîye ku di çêkirina avahiyan de xîzêr çem hatiye bikaranîn.
Li Mereşê di 6 Sibatê de du erdhejên bi mezinahî 7,7 û 7,6 pile rû dan û bandor li 11 bajaran kiribû. Piştî erdhejê Ekîba Wanê ya Yekitiya Endezyar û Avahîsazên Tirkiyeyê çû herêma erdhejê û li vir xesar tespît kir. Di çarçoveya xebatê de li ser 5 hezar 600 malan lêkolîn hatiye kirin û diyar bûye ku ji van 350 avahî bi giranî xesar dîtine. Heyetê her wiha destnîşan kir ku bo 450 avahiyan jî pêdivî bi hêzkirinê heye. Serokê Odeya Endezyarên Înşaatê (ÎMO) yê Şaxa Wanê û Endezyarê Înşaatê Firat Durmaz, çavdêrî û tespîtên xwe bi Serhat Newsê re parve kir.
Durmaz diyar kir ku tevî ekîbeke ji 75 kesan pêk dihat wan li Mereşê lêkolîn kirine û wiha domand: “Me li ser 5 hezar û 600 avahiyan lêkolîn pêk anî. Ji van 350 avahî bi giranî xesar dîtine. Di nava wan de camî û hin avahiyên din ên cemaweriyê jî hene. Dîsa ji van avahiyan nêzî 450 pêdivî bi hêzkirinê hene. Avahiyên ku xerabûne ji ber îhmalkariyê hilweşiyan e.”
Durmaz derbirî ku ji ber du sedeman li ser avahiyan ji ber erdhejê xesar çûbûye û ev sedem wiha rêz kir: “Ya yekem sedemên avadaniyê ye (yapısal). Ya din jîn xetayên tasarimê ne. Di warê avadaniyê de, melzmeyê baş nehatiye bikaranîn û piştî înşaatê mudaxale li avahiyan hatiye kirin. Di warê tasarimê de jî; endezyar û berpisrên din tasarim xelet çêkirine. Kolonên hin avahiyan hatibûn birîn. Di çêkirina avahiyan de xîzê çem hatiye bikaranîn.”
Di warê perpisyariyê de jî Durmaz got ku şaredarî û mudûriyetên Hawîrdor û Bajarvaniyê yên Bajêr berpirsê kontrolkirina înşaatan in. Durmaz, wiha axivî: “Piştî wan Fîrmayên Kontrola Avahiyan berpisyar in. Li Tirkiyeyê rêziknameya erdhejê her tim tê guhertin. Dê piştî vê erdhejê jî ew cardin bê guhertin.”
Serhat News
(lg)
