Li Şirnexê di encama serdagirtinên malan de 45 welatî hatin desteserkirin.
Li gor agahiyên hatine bidestxistin, ekibên girêdayî Midûriyeta Ewlekariya Şirnexê navçeyan Hezex, Cizîrê û Silopî yên Şirnexê operasyonên hevdem lidar xistine. Hat ragihandin ku di encamê serdagirtina mal û kargehan de 45 kes bi hinceta ku “Di Newroz û mitîngên hilbijartinê de slogan berz kirine û kevir avêtine polîsan” hatine desteserkirin.
Bi nêzîkbûna hilbijartinên 14’ê Gulanê li Tirkiyeyê operasyonên bi hinceta ‘PKK’ê zêde bûne û di encamê de bi sedan alîgir, endam û rêveberên HDP’ê hatine desteserkirin û girtin.
Li gor daneyên Hevberdevka Komîsyona Hiqûq û Mafên Mirovan a HDP’ê Nuray Ozdogan ku 5’ê Gulanê eşkere kiribûn; tenê di nav mehekê de ji endam û rêveberên partiya wan 295 kes hatine desteserkirin û 61 kes jî hatine girtin. (Rûdaw)
Serhat News
