Li Şirnexê û navçeyên wê bo 15 rojan 11 dever weke “Herêma taybet a ewlehiyê ya demîkî” hat ragihandin.
Walîtiya Şirnexê derbarê qedexekirina çalakiyan de li ser malpera xwe ya fermî daxuyaniyek belav kir.
Li gorî daxuyaniyê çûn û hatina 11 deverên li Şirnexê û navçeyên wê yên Cizîr, Silopya, Basa, Qileban û Elkê hatiye qedexekirin.
Li gor biryarê, qedexeya li wan deveran ji îro heta 27’ê Îlonê di bin navê “herêma taybet a ewlehiyê ya demkî” berdewam dibe.
Hatiye gotin ku nabe di heyama wan 15 rojan de welatî ne bi roj û ne jî bi şev serdana wan deveran bikin.
Çiya û navçeyên ku li gor biryara walîtiyê hatine qedexekirin wiha ne:
Çiyayê Cudî, Devera Besta, Çiyayê Gurê, Kureşîn, Kela Memê, Feraşîn, Çiyayê Zêrîne, Geliyê Bêtkar, herêma gundê Dol û Tenînê.”
Hêjayî gotinê ye ku ev deverên ku hatine qedexekirin, bi piranî ew derin ku sewalkar 4 demsalan sewalên xwe lê diçerînin.
Serhat News
