Li Wan û Bedlîsê ji ber berfê rêya 163 gund û taxan hat girtin.
Şaredariya Bajarê Mezin a Wanê daxuyand ku li bajêr ji duh va berf dibare û ev jî di qada çûn û hatinê da dibe sedema zor û zehmetiyan.
Li bajêr ji ber berf û pûkê rêya 83 tax û goman hatiye girtin û ekîbên rêvekirinê li ser kar in.
Rêya di navbera Wan-Miksê de jî ji berf û talûkeya aşûtê hat girtin û rewşa hewayê çawa baş bibe jî wê xebatên rêvekirinê dewam bikin.
Li Colemêrgê jî ekîbên rêvekirinê li ser kar in û rêyên ku berfê lê kiriye paqij dikin.
Li herdu bajaran jî rê û peyarê tên paqijkirin û zarokên ku dawiya hefteyê naçin dibistanê jî di nav berfê da kêf dikin û dileyîzin.
Li Bedlîsê jî rêya 80 gundan ji ber berfê hatiye girtin. Midûrê Xizmetên Gihandin û Rê ya Îdareya Taybet a Bajarê Bedlîsê Umît Kurtkan diyar kir ku ji ber berfê li bajêr rêya 80 gundî hat girtin.
Kurtkan got ku ji bo vekirina rê ekîp li ser kar in û xebatên xwe didomînin. (AA)
Serhat News
(lg)
