AKP’ê, li Wane bi ser xizmetên Şaredariya Rêya Armûşê ku ji aliyê keyum ve tê rêvebirin, dest bi propagandayê kir. Hem AKP’ê, hem jî şaredariyê heman wêne parve kirine û ev xebat, wekî xizmetên xwe dane nîşandan.
Şaredariya Rêya Armûşê bi ser hesabên xwe yên medya civakî, hin wêneyên serdana dayîk û zarokên nû hatine dinê, parve kir. Di parvekirinê de hate gotin, “Em tevî Midûriyeta me ya Xizmetên Malbat û Jinê ve, zarokên nû hatine dinê û dayîkên wan di malên wan de ziyaret dikin û Canteyên Bo Zarokan ku hindûrê wê de pediviyên zarokan yên sereke hene, diyarî wan dikin.
Piştî demek kin, Rêxistina AKP’ê ya Navçeya Rêya Armûşê a Wanê heman wêne bi ser hesabên xwe yên civakî parve kir.
Saziyên cuda, heman wêne
Tevî ku şaredariyê ev parkerin kir, li ser hesaba Twitterê ya Rêxistina AKP’ê ya Rêya Armûşê, Seroka Baskê Jinan a Rexistina AKP’ê ya Rêya Armûşê Suzan Turkoglu, jî heman wêne parve kir û wekî ku çûne serdanê daye nîşandan. Piştî ku navên Serokê Rêxistina AKP’ê yê Wanê Kayhan Turkmenoglu û Seroka Baskê Jinan a Bajar ya AKP’ê Havva Duran bi ser vê parvekirinê hatin diyarkirin, bertek jî zêde bûn.
Dema ku ev parvekirin, li ser medya civakî belav bûn, bertek jî ji vê yekê re zede bûn. Gelek kesan nerazîbûnên xwe anîn ziman û bertek nîşan dan ku AKP xizmetên şaredariyan wekî xizmetên xwe rawe dike.
Serhat News
