Van Haber-Li Wanê, di encama operasyonên hêzên ewlehiyê de, di nava mehekê de 169 kes hatine desteserkirin. Ji van kesan 75 kes jî hatine girtin û ew ji girtîgehê re hatine şandin.
Midûriyeta Ewlekariya Wanê bi daxuyaniyekê daye zanîn ku ji destpêka 1’ê Tebaxê heta 31’ê Tebaxe, di encama operasyonan de li bajêr, 95 kesên ku bi gelemperî 221 sal cezayê wan yê hepsê heyî hatine desterkirin û ji van kesan 55 kes ji aliyê dadgehê ve hatine girtin.
Midûriyetê her wiha ragihandiye ku di operasyonan de 50 kes jî bi gumana diziyê hatine desteserkirin û ji wan jî 20 gumanbar hatine girtin.
Herî dawî di daxuyaniyê de hatiye gotin ku 24 kes jî ku der heqê wan de biryara girtinê hebû, ji aliyê ekîbên dewriyeyê yên Yunusan ve hatine desteserkirin.
Serhat News
