Li Wanê piştî pîrozbaniya Newrozê ku bi tevlibûna hezaran kesî hatibû lidarxistin, polîsan mudaxale li girseyê kir. Di encama mudaxaleyê de 37 welatî hatin desteserkirin.
Pîrozbahiya Newroza Wanê ku li kêleka keleha Wanê hatibû lidarxistin, bi dawî bû. Piştî pîrozbahiyê girseyê ji qada Newrozê li ser rêya Terzîoglu berbi navenda bajar ve dest bi meşê kir.
Komeke din jî tevî berzkirina dirûşmeyan li ser Cadeya Kaleyolu ber bi Cadeya Maraşê ve dest bi meşê kir û gihişt navenda bajêr.
Polîsan, bi bombeyên gazê û ava şid mudaxele li girseyê kir û hewl da komê belav bike. Ciwanan jî bi keviran bersiv da mudaxaleya polîsan.
Hat hînbûn ku di dema mudaxaleyê de 37 welatî ji aliyê polîsan ve hatine desteserkirin û niha li Midûriyeta Ewlekariya Wanê têne ragirtin.
Di vê navberê de helîkoptera polîsan jî li ser bajêr dest bi gerê kir.
Serhat News
(lg)
