Ezê di vê nivîsa xwe de cih bidim mamikan. Mamik çandeke gelîrî ya kurdan a dêrîn e. Lê ev çande li gel hemû gelan heye. Her gelekê li gorî jiyana xwe ya cîvakî mamik çêkirine. Mamik di nav xwe de jiyan û mantiqa gelan dihewinin. Mamik bingeha xwe ji aqil,mantiqa mirovan digirin. Zeka netewekê didin nîşandin. Pirsin,pirsên bi mantiq in û bersiva wan di nav mamikê de veşartiye.
Demên kevnar û televizyon neyî di şevên zivîstanan ên dîrêj de,li gundan de,li ber tenûran kal,dapîrên me ji hevdun dipirsin. Dem û wextê xwe bi van pisyarên mantiqî diborandin. Heta nîva şevan ev tiştanok ji hevdu dipirsin. Demek xweş û bi henek bi hev re derbas dikirin. Ken û hilehilên wan li dîwar û zikakên gundan olan didan. Dermanê xem,derdê wan mamik bûn. Bîrinên dilê xwe bi şertikan derdikirin. Mamik bûn xem revinên wan. Digotin şertkê min şertanî…. mamikê mino mintalî….
Ezê hine mamikan bi xwendevanan re par vebikim û bersîvên wan li hember wan binivîsim.
1. Êk lingê li deştê du lingo gihiştê girt û dana ser teniştê. Genim
2.“Her tim li mal e, caran şekir e carinan tal e” çi ye? Ziman
3.“Sewz e wekî xiyar, berz e wekî, çinar, tirş e wekî hinar” çi ye? Rêvas
4.“Çûne deştê bûne heştê, hatine çeman kit jê neman” çi ye? Hêştir
5.”Min tiştek heye kes nabîne, kes jî bê wê naqedîne” çi ye? Xewe
6.“Gîsikê kal e, şepşepal e, hê hê dikimê ho ho dikimê nayê mal e” çi ye? Heyve
7. “Ez çûme şikesteka tijî bi ber, yeka wisa tunebû ku rûnêm li ser“ çi ye? Dev û didan
8.“Serê xetê û binê xetê, mamo av da, Xwedê quwetê!“ çi ye? Cotyar
9. “Sindirîka li ser sindirîkê, kilîda li destê bûkê, derve nabî bi neynûkê“ çi yeSindirîka li ser sindirîkê, kilîda li destê bûkê, derve nabî bi neynûkê“ çi ye? Seat
10.“Dara nav dara, zerik e ji guhara“ çi ye? Mirişik
11. “Odeka nav odekê de? pîvaz
12.“Ji şevê tarîtir e, ji hespê bileztir e, diçe û tê dizivire cihê xwe” çi ye? Kilê çavan
13.”Yê te ye, lê xelk ji te zêdetir bikar dihîne” çi ye? Nav
Mehmet Gur
